Ixxerja

Id-Dar tal-Providenza fis-Siġġiewi sellmet il-memorja għażiża tat-Tabib Carmel Vella, li għal bosta snin offra s-servizzi tiegħu b’mod volontarju lir-residenti tad-Dar.

It-Tabib Vella beda jservi bħala tabib privat tal-familja fl-1977, iżda fl-istess sena beda jagħti wkoll mill-ħin u mill-għarfien tiegħu lid-Dar tal-Providenza. Il-ħidma tiegħu ma baqgħetx inosservata, tant li fit-13 ta’ Mejju 2001 ingħata l-Premju Mons. Mikiel Azzopardi bħala rikonoxximent għas-servizzi mediċi tiegħu.

F’ħajtu, huwa kien ukoll qrib Mons. Mikiel Azzopardi, fundatur tad-Dar, u assistieh fl-aħħar jiem ta’ ħajtu, filwaqt li kien miegħu fil-mument tal-mewt tiegħu fit-13 ta’ Mejju 1987. Imwieled fis-26 ta’ April 1939, u gradwat tabib mill-Università ta’ Malta fl-1964, it-Tabib Vella kien involut f’diversi oqsma tas-servizz mediku.

Id-Dar tal-Providenza wasslet il-kondoljanzi tagħha lil martu Gillian, lil uliedu Adrian, Mark u Roseanne, u lill-familjari kollha.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

Għada Jagħlaq Sentejn Minn Meta Karl Gouder Ħalla Din Id-Dinja, Iżda L-Memorja Tiegħu Tibqa’ Ħajja

Matthea Grech Illum

Għada jkunu għaddew sentejn minn meta Karl Gouder ħalla din id-dinja, iżda għal dawk li ħabbewh, iż-żmien ma jħassarx il-memorji u lanqas l-imħabba.F’messaġġ ta’ tifkira, il-Partit Nazzjonalista ta’ Tarxien sellem il-memorja għażiża ta’ Karl, filwaqt li fakkar li jibqa’ dejjem magħhom u qatt minsi. B’mod partikolari, il-memorja tiegħu tibqa’ għażiża għall-martu u ħuh, Maxine u […]