Ixxerja

B’qalb maqsuma, Evelyn Saliba La Rosa ħabbret it-telfa ta’ missierha, Joe La Rosa, li lbieraħ filgħaxija ħalla din id-dinja fil-paċi fl-età ta’ 92 sena.

F’messaġġ profond u mimli mħabba, Evelyn tiddeskrivih mhux biss bħala missier, iżda bħala ruħ sabiħa li għexet ħajja kwieta, umli u mimlija tjubija.

"Il-Papa’ kien ruħ ġentili. Anġlu miexi fostna,” kitbet Evelyn, filwaqt li qalet kif kull min kien jiltaqa’ miegħu kien iħobbu. Il-karattru kalm tiegħu, il-qalb tajba u l-imħabba li kien jagħti mingħajr ħafna kliem ħallew marka fuq kull min għarfu.

Evelyn qalet li se tħoss in-nuqqas ta’ wiċċu, leħnu, tbissima u sempliċement il-fatt li kienet taf li kien hemm. Minkejja d-dwejjaq, hija esprimiet ukoll gratitudni għall-memorji, it-tbissim u l-mumenti kollha li qasmet miegħu. “Int kont anġlu fuq l-art… issa għandek il-ġwienaħ.”

Joseph La Rosa twieled fis-17 ta’ Mejju 1934 u miet fit-8 ta’ Settembru 2026, fl-età ta’ 92 sena. Jalla jistrieħ fis-sliem.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

Għada Jagħlaq Sentejn Minn Meta Karl Gouder Ħalla Din Id-Dinja, Iżda L-Memorja Tiegħu Tibqa’ Ħajja

Matthea Grech Ilbieraħ

Għada jkunu għaddew sentejn minn meta Karl Gouder ħalla din id-dinja, iżda għal dawk li ħabbewh, iż-żmien ma jħassarx il-memorji u lanqas l-imħabba.F’messaġġ ta’ tifkira, il-Partit Nazzjonalista ta’ Tarxien sellem il-memorja għażiża ta’ Karl, filwaqt li fakkar li jibqa’ dejjem magħhom u qatt minsi. B’mod partikolari, il-memorja tiegħu tibqa’ għażiża għall-martu u ħuh, Maxine u […]