Ixxerja

L-attur magħruf minn New Zealand, Sam Neill, miet fl-Awstralja nhar it-Tnejn fl-età ta' 78 sena. Il-familja tiegħu ħabbret l-aħbar b'dikjarazzjoni fejn qalet li l-mewt tiegħu kienet "f'daqqa u mhux mistennija".

Sam, li kiseb fama internazzjonali bl-irwol ta' Dr Alan Grant fil-film Jurassic Park tal-1993, kien żvela fil-memorji tiegħu fl-2023 li kien qed jiġġieled kontra tip ta' kanċer tad-demm.

Madankollu, il-familja kkonfermat li fil-mument tal-mewt tiegħu kien għadu ħieles mill-kanċer.

View this post on Instagram

A post shared by SamNeillTheProp (@samneilltheprop)

Il-karriera ta' Sam bdiet fis-snin sebgħin u kienet mifruxa fuq aktar minn ħames deċennji, b'għexieren ta' rwoli memorabbli fil-films u t-televiżjoni.

Minbarra Jurassic Park, deher fi produzzjonijiet magħrufa bħal The Hunt for Red October, The Piano u s-serje Peaky Blinders.

Il-mewt tiegħu qed titqies bħala telfa kbira għad-dinja taċ-ċinema u t-televiżjoni. Insellmu l-memorja tiegħu.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

“Il-Gunners Il-Ġodda Tagħna… Organiżżaw Inizjattiva Ta’ Għoti Tad-Demm” – Il-Forzi Armati Ta’ Malta

Gabriella Borg Illum

Il-Forzi Armati ta’ Malta ħadu l-inizjattiva li jorganizzaw ġurnata ta’ għoti tad-demm. B’dan il-ġest nobbli huma xtaqu jħajjru iżjed persuni jagħmlu bħalhom, biex inkompli ngħinu lil ħaddieħor.Spjegaw, “L-għoti tad-demm huwa wiehed mill-isbaħ atti ta’ ġenerosita`. Wara li temmew b’suċċess ir-Reklutaġġ, il-Gunners il-ġodda tagħna reġgħu wrew l-impenn tagħhom lejn is-servizz lill-komunità billi organiżżaw inizjattiva ta’ għoti […]