Ixxerja

Ilbieraħ, mill-paġna Guilherme’s Journey, inqasmet storja emozzjonanti dwar iċ-ċkejken Guilherme li minkejja li għandu biss disa’ snin, qed jgħix ta’ kuljum b’kundizzjoni rari li twasslu sabiex jesperjenza seizures frekwenti.

Fil-messaġġ li kien tqassam fuq il-midja soċjali, Guilherme ddeskriva kemm hi diffiċli r-realtà tiegħu fejn kultant ikun qed jidħak u jitbissem u imbagħad f’daqqa waħda jispiċċa jissielet ma’ seizure. Minkejja dan kollu, huwa temm il-messaġġ tiegħu bi kliem li ta kuraġġ lil ħafna nies: “Imma għada nerġa’ nipprova.”

Illum, il-paġna reġgħet qasmet messaġġ ieħor sempliċi iżda sabiħ mingħand Guilherme fejn kiteb:“Ngawdu l-mumenti ż-żgħar għax xi kultant huma jsiru l-akbar memorji. Grazzi ta’ kemm tħobbuni.”

Dan il-kliem reġa’ qanqal reazzjonijiet ta’ mħabba u appoġġ minn dawk kollha li qed isegwu u jissaportjaw il-vjaġġ tiegħu. Minkejja l-isfidi kbar li qed jgħaddi minnhom f’età daqshekk żgħira, Guilherme qed ikompli jispirana bir-reżiljenza, il-pożittività u t-tbissima tiegħu!

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Tagħlaq Sninha Valerie Buhagiar – Id-Direttriċi Ta’ “Carmen” Li Għamlet Isem Fil-Kanada U Malta

Eileen Cumbo Salerno Illum

Il-famuża attriċi u direttriċi Kanadiża ta’ oriġini Maltija, Valerie Buhagiar, tagħlaq sninha proprju llum, it-12 ta’ Mejju. Buhagiar hija magħrufa sew kemm fil-Kanada kif ukoll fost il-Maltin, speċjalment wara s-suċċess tal-film Carmen, fejn il-plott jiffoka dwar mara li tqatta’ ħajjitha tieħu ħsieb lil ħuha saċerdot f’raħal żgħir Malti. Il-film ġibed ħafna attenzjoni għall-mod emozzjonali u realistiku kif […]