Ixxerja

Yanika Curmi ċċelebrat għeluq is-16-il sena ta' bintha Kaya b'messaġġ mimli mħabba u emozzjoni, fejn fetħet qalbha dwar il-vjaġġ tal-maternità u r-rabta speċjali li għandhom bejniethom.

Fil-messaġġ tagħha, Yanika stqarret li saret omm qabel ma ħasset li kienet lesta għal din ir-responsabbiltà. Madankollu, qalet li mill-mument li żammet lil Kaya f'idejha, fehmet li qalbha kienet sabet il-post li tassew kienet tappartjeni fih.

Hija saħqet li bintha mhux biss bidlitilha ħajjitha, iżda tatha tifsira ġdida. Żiedet tgħid li kieku kellha terġa' tgħix kull jum diffiċli, kull demgħa u kull sagrifiċċju biex terġa' jkollha lil Kaya, kienet tagħmlu elf darba.

Yanika temmet il-messaġġ tagħha billi awgurat għeluq sninha t-tajjeb lil bintha, u ddeskrivietha bħala l-isbaħ barka li waslet meta l-inqas kienet tistennieha. "Inti dejjem se tibqa' l-akbar rigal tiegħi," kitbet, filwaqt li esprimiet l-imħabba kbira li għandha lejha.

Ara l-filmat li tellgħat ommha HAWN.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Il-Madum Malti Għandu Post Speċjali F’Qalbna” – Malta Tiles Kburin Bil-Kollaborazzjoni Ma’ Richard E. Grant

Emil Calleja Bayliss Illum

Malta Tiles qasmet is-sodisfazzjon tagħha wara li kellha l-opportunità li tkun parti minn Very Modern Odyssey, il-produzzjoni ta’ Richard E. Grant, fejn setgħet turi lis-segwaċi minn madwar id-dinja s-sbuħija u l-istorja tal-madum tradizzjonali Malti.Fi stqarrija, il-kumpanija qalet li tqis din l-esperjenza bħala waħda li tapprezza immensament, hekk kif il-madum Malti huwa parti importanti mill-identità kulturali […]