Ixxerja

Jack Mizzi kiseb postu fil-The Malta Records wara li stabbilixxa rekord nazzjonali ġdid bħala l-iżgħar batterista fil-gżejjer Maltin li kiseb Distinction fl-eżami tal-London College of Music Examinations tal-Università ta’ West London.

Ir-rekord ġie ppreżentat uffiċjalment waqt żjara li rappreżentanti ta’ The Malta Records għamlu f’garaxx f’Ħal Luqa, fejn isiru lezzjonijiet tal-batterija għal studenti ta’ etajiet differenti.

Jack kiseb din il-kisba impressjonanti meta kellu biss 5 snin, 7 xhur u 10 ijiem, u b’hekk daħal fil-kotba tar-rekords Maltin. The Malta Records faħħret ukoll lill-għalliem tiegħu, John Farrugia, għad-dedikazzjoni u l-impenn li juri fit-tagħlim tal-istudenti tiegħu, filwaqt li jgħinhom jilħqu livelli għoljin fil-mużika.

Din il-kisba hija xhieda tat-talent u l-ħidma ta’ Jack minkejja l-età żgħira tiegħu, kif ukoll tal-importanza ta’ gwida professjonali fil-qasam mużikali.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Il-Wirt Tiegħu Jkompli Jispira” – Missier Rachel Vella, Charles Jagħlaq 80 Sena

Emil Calleja Bayliss Illum

Charles Vella, iċ-Chairman ta’ ROCS u missier il-preżentatriċi Rachel Vella, iċċelebra għeluq it-80 sena tiegħu, b’ROCS tagħtih ġieħ permezz ta’ messaġġ emozzjonanti li jfakkar fil-kontribut straordinarju tiegħu u fil-valuri li ħalla bħala wirt fi ħdan il-kumpanija.Fil-messaġġ tagħha, ROCS qalet li għal tmien deċennji Charles Vella kien eżempju ta’ umiltà, integrità, reżiljenza u impenn bla waqfien […]