Ixxerja

Il-kantanta Maltija Janice Mangion ħabbret li dalwaqt se tkun qed tniedi album ġdid bl-isem Kewkba fl-Univers, li se jinkludi 14-il kanzunetta.

F’messaġġ li qasmet fuq il-midja soċjali, Janice kitbet, “Wasal il-mument. Kewkba fl-Univers. L-album tiegħi b’14-il kanzunetta! Aktar informazzjoni fil-jiem li ġejjin.” Hija akkumpanjat il-messaġġ tagħha b’entużjażmu kbir, u wriet kemm dan il-pass huwa importanti fil-vjaġġ mużikali tagħha.

Minn dak li jidher s’issa, l-album Kewkba fl-Univers se jkun ġabra ta’ kanzunetti li Janice diġà ħarġet matul dawn l-aħħar snin, iżda mhux biss. Jidher ukoll li l-album se jinkludi kanzunetta ġdida, kif ukoll verżjoni speċjali tal-kanzunetta Univer”, li biha rajna lil Janice tikkompeti fil-Malta Eurovision Song Contest ta’ din is-sena.

Din l-aħbar qajmet interess fost is-segwaċi tagħha, li issa qed jistennew aktar dettalji dwar l-album, inkluż id-data uffiċjali tar-rilaxx u aktar informazzjoni dwar il-kanzunetti li se jiffurmawh.

Aktar dettalji dwar Kewkba fl-Univers mistennija jitħabbru fil-jiem li ġejjin.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Spettaklu

L-Għawdxija Audrey Schembri Tirbaħ Il-Kompetizzjoni Angel Voice International Fl-Italja

Emil Calleja Bayliss Illum

Il-kantanta ċkejkna Maltija Audrey Schembri kompliet tikteb kapitlu ieħor ta’ suċċess fil-karriera tagħha hekk kif fi tmiem il-ġimgħa li għaddiet kisbet rebħa importanti fil-kompetizzjoni internazzjonali tal-kant Angel Voice International li saret fi Trieste, l-Italja. Minkejja li għandha biss 8 snin, Audrey diġà qed tispikka bħala talent qawwi fix-xena mużikali Ewropea, b’din ir-rebħa timmarka s-16-il parteċipazzjoni […]