Ixxerja

Il-Kunsill Lokali tal-Imġarr ħareġ stqarrija biex jiċċara s-sitwazzjoni dwar l-użu ta’ kameras tas-sigurtà (CCTV) fil-latrini pubbliċi tal-Ġnejna, wara li dalgħodu fuq Facebook dehru kummenti u ritratti li qajmu mistoqsijiet dwar il-privatezza ta’ dawk li jużaw dawn il-faċilitajiet.

Il-Kunsill spjega li l-kameras twaħħlu bħala miżura ta’ deterrent kontra atti ta’ vandaliżmu, filwaqt li saħaq li l-privatezza tal-persuni li jużaw il-latrini hija mħarsa. Biex iserraħ ras il-pubbliku, ippubblika wkoll ritratti li juru kif jinsabu installati l-kameras bħalissa.

Fl-istess stqarrija, il-Kunsill indirizza ritratt li kien iċċirkola fuq paġna ta’ Facebook, filwaqt li għamilha ċara li dan ma kienx ġej mill-kameras tas-sigurtà tiegħu. Wara li sar kuntatt mal-persuna responsabbli mill-paġna, il-Kunsill ġie infurmat li l-pubblikazzjoni kienet saret bħala ċajta. Madankollu, talab li din titneħħa minnufih, kif fil-fatt seħħ.

Il-Kunsill temm billi appella għall-kooperazzjoni tal-pubbliku sabiex il-postijiet pubbliċi jibqgħu mħarsa u jkunu jistgħu jitgawdew minn kulħadd. Intom x'taħsbu dwar l-użu ta' kameras tas-sigurtà fil-latrini pubbliċi bħala miżura kontra l-vandaliżmu?

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

“Il-Ħarifa Se Tfakkarna Ftit Fil-Preżenza Tagħha Fi Tmiem Il-Ġimgħa” – Maltese Islands Weather

Charlton Cefai Ilbieraħ

Permezz ta’ kitba fuq il-paġna tagħhom, Maltese Islands Weather qasmu mas-segwaċi aktar informazzjoni rigward dak li għandna nistennew mit-temp.Huma qalu, “Front kiesaħ fi triqtu lejna – xita bir-ragħad għal sbieħ is-Sibt segwita minn riħ aktar qawwi mill-Majjistral fil-jiem ta’ wara. L-immaġni bis-satellita turi faxxa ta’ sħab assoċjata ma’ front kiesaħ li bħalissa jinsab fil-Punent tal-Gżejjer […]