Kelb Jinqabad Fuq Is-Siġġu Tas-Sewwieq Fl-Islovakkja

Il-pulizija fl-Islovakkja qasmu ritratt li ħadet kamera tat-traffiku, u ġabet lil kelb qisu qed isuq karozza. Il-pulizija qalu li dan ir-ritratt ġie meħud fil-villaġġ ta’ Šterusy, u l-pulizija waqqfet il-karozza Skoda biex tinvestiga. Huma qalu li l-kelb kien fuq is-siġġu tal-passiġġier biex jara ċ-ċriev li kien hemm fil-madwar, imma li għandhom jittieħdu prekawzjonijiet meta s-sewwieqa jkollhom xi kelb fil-vettura, għax jista’ jostakola s-sewqan.

Is-sewwieq ta’ 31 sena qal li l-kelb qabeż quddiem l-istering waqt li kien qed isuq, iżda l-pulizija qed jaħsbu li s-sewwieq ħalla l-kelb fuqu biex isuq.

Facebook / Polícia Slovenskej republiky

Ixxerja

Miktub Minn

Nicole Zammit

Il-kitba, il-qari, u l-avventuri huma t-tliet affarijiet li jsawruha. Għandha passjoni lejn il-mużika Maltija kontemporanja, u dejjem tista' taqbadha tqabbel xi żewġ versi ta' poeżija, tipprova tferraħ lil ta' madwarha, jew tisma' xi poddata. Tħobb iżżomm aġġornata ma' dak li qiegħed jiġri, kif b'hekk titgħallem affarijiet ġodda ukoll.