L-iskola privata Thi Lakin School f'Ħ'Attard se twaqqaf l-operat tagħha, skont email mibgħuta lill-ġenituri u l-kustodji nhar l-Erbgħa filgħodu. L-aħbar kienet irrappurtata l-ewwel minn Times of Malta. Fl-email, il-Kap tal-Iskola, Tami Mac an Bhaird, qalet li d-deċiżjoni ttieħdet "b'dispjaċir kbir" wara li l-iskola ma baqgħetx finanzjarjament sostenibbli.
Imwaqqfa fl-1970, Thi Lakin School toffri edukazzjoni fil-livell tan-nursery, kindergarten u primarja. S'issa għadu mhux ikkonfermat jekk l-iskola hix se tagħlaq kompletament fi tmiem din is-sena jew jekk hix se twaqqaf gradwalment l-operat tagħha billi ma taċċettax aktar studenti ġodda.
Skont l-email, l-għadd ta' studenti naqas b'mod kostanti matul dawn l-aħħar snin, u fl-aħħar ġimgħatejn kien hemm aktar kanċellazzjonijiet ta' reġistrazzjonijiet, li wasslu għal din id-deċiżjoni finali. L-iskola qalet ukoll li ż-żieda fil-pagi tal-għalliema u l-ispejjeż għoljin tal-kera tal-binja fissru li ma baqgħetx tista' topera b'mod finanzjarjament vijabbli.
Fl-istess email, il-ġenituri ġew infurmati li l-miżati tar-reġistrazzjoni se jiġu rifużi fil-jiem li ġejjin. Meta ġiet ikkuntattjata minn Times of Malta, kelliem għall-iskola qal li għalissa m'hemm l-ebda kumment ieħor x'jingħata dwar is-sitwazzjoni.
Thi Lakin
