Ixxerja

Intervistata waqt il-programm 'Bla Rispetti; Il-Fatti', l-eks parteċipanta ta' Big Brother Malta Claire Apap sostniet li temmen li kull personalità fuq il-midja soċjali għandu responsabbiltà li ma jippromwovix l-obeżità, għaliex tirrikonoxxi l-impatt negattiv li din tħalli fuq is-saħħa tal-bniedem.

F'dan l-isfond, Claire li għandha paġna soċjali fejn fiha titkellem fil-miftuħ dwar il-qagħda fiżika tagħha, stqarret li hi konxja li l-kontenut li ttella' jista' kultant jiġi interpretat bħala promozzjoni tal-obeżità. Spjegat li hu proprju għal din ir-raġuni li sikwit ittella' kontenut relatat ma' stil ta' ħajja ferm iżjed sana, bħal fost oħrajn meta tiffilmja lilha nfisha tagħmel l-eżerċizzju fiżiku.

Mistoqsija mill-preżentatriċi jekk qatt iffaċjatx diskriminazzjoni minħabba l-piż tagħha, Claire spjegat li għadha sal-lum il-ġurnata b'mod regolari tiltaqa' ma' kummenti miktuba minn persuni adulti fuq il-midja soċjali li jinsultawha minħabba din ir-raġuni. "Meta nara dawn il-kummenti, nistaqsi lili nnifsi: 'imma dawn adulti qed jiktbuhom?'" irrimarkat Claire.

'Bla Rispetti; Il-Fatti' jixxandar kull nhar ta' Tnejn fl-22:05.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Lennon Joħroġ Mill-Isptar Wara 10 Ijiem Jingħata L-Kura… Issa Jibda L-Proċess Biex Ifieq

Cristian Tonna Illum

Madwar ġimgħa u nofs ilu, Lennon li jbati minn kundizzjoni rari li taffetwalu l-ħajja tiegħu ta’ kuljum, kellu jiddaħħal l-isptar b’emerġenza wara li beda jesperjenza deni persistenti. Proprju lbieraħ Lennon ħareġ mill-isptar u issa beda proċess ta’ fejqan li mistenni jieħu madwar sitt ġimgħat.Il-ġenituri ta’ Lennon ilhom dawn l-aħħar jiem itellgħu aġġornamenti fuq il-midja soċjali […]