Ixxerja

Malta ġiet inkluża fost l-aqwa seba’ destinazzjonijiet li wieħed għandu jżur fl-2026, grazzi għat-tieni edizzjoni tal-Malta Biennale. L-għażla saret mill-pjattaforma internazzjonali Artsy, ibbażata fi New York, li poġġiet lil Malta ma’ bliet u pajjiżi rinomati għall-avvenimenti artistiċi tagħhom, fosthom Venezja u Sydney.

Il-Malta Biennale 2026 qed jirċievi attenzjoni qawwija fil-midja internazzjonali speċjalizzata fl-arti, b’rivisti u siti elettroniċi bħal Artforum, South West Contemporary u l-pjattaforma Ġermaniża eTN, li ddeskriviet lil Malta bħala destinazzjoni unika matul ir-rebbiegħa.

Il-President tal-Malta Biennale 2026 u Chairman ta’ Heritage Malta, Mario Cutajar, qal li dan l-avveniment qed jikkonsolida l-pożizzjoni ta’ Malta fil-kalendarju internazzjonali tal-arti kontemporanja, spalla ma’ spalla ma’ destinazzjonijiet ta’ fama kbira.

Il-Malta Biennale 2026 se jittella’ bejn il-11 ta’ Marzu u d-29 ta’ Mejju f’11-il mużew u sit storiku ta’ Heritage Malta fil-Belt Valletta, il-Birgu, ix-Xagħra u ċ-Ċittadella f’Għawdex, u se jlaqqa’ aktar minn 100 artist minn 39 pajjiż taħt id-direzzjoni artistika ta’ Rosa Martínez.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

L-Ewwel Lukanda Fl-Ajruport Ta’ Malta Se Tiftaħ Is-Sena D-Dieħla

Emil Calleja Bayliss Illum

Malta se tilqa’ l-ewwel lukanda tagħha ġewwa l-ajruport, bi proġett ġdid li mistenni jiftaħ is-sena d-dieħla bħala parti mill-iżvilupp ta’ SkyParks 2. Din il-lukanda ta’ erba’ stilel hija mistennija tattira b’mod speċjali lill-vjaġġaturi tan-negozju. Il-lukanda se tinkludi 98 kamra mifruxa fuq disa’ sulari, flimkien ma’ pixxina fuq ġewwa u oħra fuq il-bejt, spa, ristorant u […]