Ixxerja

Il-President Emeritus u c-Chairperson tal-Malta Trust Foundation, Marie-Louise Coleiro Preca, qasmet messaġġ ta’ inklużjoni u tama dwar l-importanza li kull persuna tingħata l-opportunità li turi l-potenzjal tagħha.

“Mhux kulħadd jista’ jkun champion. Imma kulħadd għandu jkollu ċ-ċans li jipprova,” kitbet Coleiro Preca, filwaqt li saħqet fuq l-importanza tal-opportunità, il-fiduċja u l-appoġġ.

Hija spjegat, li l-esperjenza fil-Malta Trust Foundation uriet, li meta persuna tingħata l-appoġġ meħtieġ, il-potenzjal tagħha jibda joħroġ u, fuq kollox, nibdew naraw lill-persuna u mhux id-diżabilità tagħha.

Flimkien mal-Malta Paralympic Committee, il-Malta Trust Foundation qed tagħti ħajja ġdida lill-isport permezz tal-inizjattiva ISPORT+, li għandha l-għan li toffri aktar opportunitajiet, parteċipazzjoni u inklużjoni.

Coleiro Preca enfasizzat ukoll, li kull tifel u tifla, kif ukoll kull żagħżugħ u żagħżugħa, għandhom id-dritt li jippruvaw, jikbru u jiskopru x’jistgħu jagħmlu.

“Aħna nemmnu fik,” temmet tgħid b’messaġġ ta’ kuraġġ u fiduċja lejn dawk kollha li għandhom bżonn jingħataw iċ-ċans biex juru x’jafu jagħmlu.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Artikli Ricenti

“Huma Mumenti Bħal Dawn Li Jfakkruni Kemm Hemm Tjubija U Ġenerożità Fin-Nies” – Puttinu Cares B’Ringrazzjament Lejn…

Matthea Grech Illum

Dak li kellu jkun ċelebrazzjoni ta’ għeluq l-40 sena spiċċa biex sar ukoll ġest sabiħ ta’ solidarjetà u ġenerożità. F’messaġġ ta’ ringrazzjament, Puttinu rringrazzja lil dawk kollha li attendew għal-lejla speċjali u lil dawk li, minkejja li ma setgħux ikunu preżenti, xorta waħda kkontribwixxew.Mill-kaxxa tad-donazzjonijiet inġabru €900 għall-Puttinu Cares, bil-flus se jgħinu lit-tfal li qed […]