Ixxerja

Mument ta’ kburija għall-attur Malti Peter Galea, li ġie ppremjat bħala l-aqwa attur fil-Timimoun International Short Film Festival fl-Alġerija, għall-irwol tiegħu fil-film Unur, Fama u Glorja.

Il-film, maħluq minn Fabrizio Fenech, jagħti ħajja lil storja mimlija emozzjonijiet u wġigħ. Galea interpreta lil Pawlu, kowċ tal-boxing li ħajtu tinbidel għal kollox wara li ibnu jispiċċa f’koma. Minn hemm tibda battalja personali ta’ niket, sens ta’ ħtija u awtodistruzzjoni.

Għal Peter, dan il-premju mhux biss jirrappreżenta rikonoxximent għat-talent tiegħu, iżda wkoll il-frott ta’ ħidma u dedikazzjoni biex jagħti ħajja lil karattru tant kumpless u emozzjonanti. F’kelmtu ta' ringrazzjament, huwa rrikonoxxa l-fiduċja li wera fih Fabrizio Fenech u d-direzzjoni tiegħu, li għenitu jersaq dejjem aktar lejn il-viżjoni tal-film.

Rebħa li bla dubju ġġib magħha ħafna kburija għal Peter, għall-film u għal dawk kollha li ħadmu fuqu.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Spettaklu

‘Filgħodu’ – Il-Kantawtur Philip Vella Jiċċelebra L-Imħabba Fil-Mumenti Sempliċi Tal-Ħajja

Gwida.mt 13 ta' Novembru, 2026

Il-kantawtur Malti Philip Vella jippreżenta ‘Filgħodu’, kanzunetta ġdida bi kliem u mużika tiegħu stess u bi produzzjoni mużikali ta’ Sean Vella. Kanzunetta li tiċċelebra l-imħabba fl-aktar mumenti sempliċi tal-ħajja u tfakkarna kemm huma prezzjużi dawk l-affarijiet żgħar li ħafna drabi nieħdu bħala xi ħaġa ovvja.‘Filgħodu’ tpinġi xena familjari iżda mimlija emozzjoni: l-ewwel raġġi tax-xemx deħlin […]