Ixxerja

Wara l-inċident li kellha f'Ġunju, Phyllisienne Brincat żvelat li ħa jkollha operazzjoni oħra, hekk kif idha mhix qed tfiq kif kien mistenni.

F'messaġġ li qasmet fuq il-midja soċjali, hi spjegat li dalgħodu kienet qed tistenna biex tidħol għal operazzjoni maġġuri, iżda minkejja l-isfida li qed taffaċċja, qalbha hija mimlija paċi u tama fil-fidi tagħha.

Phyllisienne kitbet li temmen bis-sħiħ li Alla dejjem mexa quddiemha u qatt ma naqasha, filwaqt li sostniet li, ikun xi jkun ir-riżultat tal-operazzjoni, Hu jistħoqqlu kull tifħir.

"Jekk illum għaddej minn żmien diffiċli—kemm jekk minħabba mard, telf, biża', jew inċertezza—taqtax qalbek. Iċ-ċirkustanzi tagħna jistgħu jinbidlu, imma Alla qatt ma jinbidel" - kitbet dan bħala parir li xtaqet toħroġ mill-esperjenza tagħha.

Fl-aħħar tal-messaġġ tagħha, irringrazzjat lil dawk kollha li qed jitolbu għaliha, u qalet li l-imħabba u t-talb tagħhom ifissru ħafna għaliha.

Tinsab f'talbna, Phyllisienne.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

L-MTA Tagħlaq Minnufih Blokk Ta’ Appartamenti Fis-Swieqi Minħabba Ksur Ta’ Regolamenti

Emil Calleja Bayliss Illum

L-Awtorità Maltija għat-Turiżmu (MTA) ordnat l-għeluq immedjat ta’ blokk ta’ appartamenti fis-Swieqi wara li spezzjonijiet ulterjuri kkonfermaw li numru sostanzjali ta’ appartamenti kienu qed joperaw bi ksur tal-kundizzjonijiet tal-liċenzja maħruġa mill-Awtorità.L-ispezzjonijiet saru bħala parti minn programm kontinwu ta’ infurzar li l-MTA qed twettaq fis-Swieqi flimkien mal-Pulizija tal-Komunità u l-Kunsill Lokali tas-Swieqi. Dawn il-kontrolli diġà wasslu […]