Ixxerja

Kien għall-ħabta tas-2.30pm li l-pulizija kienu pronti intervjenew fi Triq is-Sajjied ġewwa Marsalforn fost rapporti li raġel seta' kien qed jikkontempla li jweġġa' lilu nnifsu, skont tagħrif miksub mis-sit Talk.mt.

Dan wara li huwa bagħat xi ritratti allarmanti lill-qariba tiegħu li viżibilment taw x'jifhmu li r-raġel seta' jagħmel ħsara lilu nnifsu.

Assistiti minn tim mediku, il-pulizija intervjenew fil-post u bdew jinnegozjaw mar-raġel sabiex joħroġ minn daru bil-kalma. B'xorti tajba, l-pulizija rnexxilhom jidħlu fir-residenza tar-raġel u jaħtfu l-arma minn idejh, liema arma rriżulta li kienet falza.

Investigazzjonijiet li seħħu ndikaw li r-raġel bagħat dawn ir-ritratti sabiex "ibeżża' ftit" lill-qariba tiegħu. Fuq nota pożittiva, jidher li ħadd ma ndarab b'rabta ma' dan il-każ.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

“Meta Munzell Ta’ Tifrik Ġo Gaża Jsir Bitħa Tal-Logħob…” – Il-Psikologu Dr Nicholas Briffa

Gabriella Borg Ilbieraħ

Il-psikologu Dr Nicholas Briffa analizza ritratt ta’ qsim ta’ qalb, fejn jidhru tfal innoċenti f’Gaża jilgħabu qalb it-tifrik tal-gwerra.Hu spjega, “Xi kultant, it-tfal ma jieqfux ikunu tfal għax iridu. Jieqfu għax id-dinja ma tħallihomx. Meta munzell ta’ tifrik ġo Gaża jsir bitħa tal-logħob, mhux biss naraw ir-reżiljenza tat-tfal. Naraw ukoll dak kollu li nsterqilhom.”Żied jgħid, […]