Sarah qiegħda tmur lura lejn waħda mill-isbaħ ġranet f’ħajjitha, hekk kif qasmet mumenti speċjali mill-lejl li fih bdiet kapitlu ġdid mal-persuna li se taqsam magħha l-futur tagħha.
F’messaġġ mimli emozzjoni, Sarah qalet li kull ritratt, kull filmat u kull tbissima minn dak il-lejl huma memorji li se jgħożżu għal ħajjithom kollha.
“Ħarsa lejn il-lejl li ċċelebrajna, il-bidu tal-futur tagħna flimkien,” kitbet Sarah, filwaqt li żiedet li l-għerusija tagħhom, in-nies għeżież li kienu magħhom u l-vjaġġ li qed jibdew flimkien huma mumenti li qatt m'huma ħa jinsew.
Il-koppja ċċelebrat din il-ġurnata speċjali mdawra mal-familja u l-ħbieb tagħhom, li qasmu magħhom din l-okkażjoni mimlija ferħ u mħabba.
Sarah kompliet turi kemm dawn il-mumenti għandhom valur kbir għaliha, hekk kif issa tibda tħares lejn il-futur b’ħafna tama u eċċitament.
Lejn il-bidu ta’ dan il-vjaġġ ġdid, il-koppja se tibqa’ tgħożż dawn il-memorji bħala l-ewwel paġni tal-istorja tagħhom flimkien.
Facebook/Just Sarah
