Ixxerja

Il-Fondazzjoni Puttinu Cares ħabbret li hekk kif jitlesta l-proġett il-ġdid tagħha fiċ-ċentru ta’ Londra, se jkollha tliet binjiet fl-Ingilterra b’total ta’ 49 appartament biex jintużaw minn pazjenti Maltin u l-familjari tagħhom waqt li jkunu qed jirċievu kura.

F’messaġġ fuq il-midja soċjali, il-fondazzjoni spjegat li dawn l-appartamenti se jingħataw b’xejn lil dawk li jkollhom bżonn joqogħdu l-Ingilterra għal trattament mediku, sabiex il-pazjenti u l-qraba tagħhom ikollhom fejn joqogħdu f’mument diffiċli.

Skont Puttinu Cares, kull xahar bejn 60 u 90 pazjent jitilgħu l-Ingilterra biex jirċievu kura speċjalizzata, ħafna drabi akkumpanjati mill-familjari tagħhom.

Il-fondazzjoni appellat lill-pubbliku biex ikompli juri solidarjetà ma’ dawn il-pazjenti u l-familji tagħhom, u tħeġġeġ lill-poplu Malti biex ikun ta’ sostenn f’dawn iċ-ċirkostanzi.

Fl-istess messaġġ, Puttinu Cares fakkret ukoll fil-ġbir ta’ fondi li jsir waqt il-Ġimgħa l-Kbira, u ħeġġet lin-nies biex jiftakru fil-ħidma tal-fondazzjoni u joffru l-appoġġ tagħhom.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

Jitqajjem Dibattitu Dwar L-Iskultura L-Ġdida Msejħa ‘Wieħed’ Ġewwa X-Xwejni Għawdex

Eileen Cumbo Salerno Illum

Skultura ġdida mill-artist Għawdxi Austin Camilleri għadha kif sabet postha f’wieħed mill-aktar inħawi naturali u mhux mittiefsa ta’ Għawdex, Ras ir-Reqqa, ġewwa x-Xwejni. Imsejħa “Wieħed”, din il-biċċa arti bħalissa qed tqajjem diskussjoni b’taħlita ta’ kummenti differenti fost il-pubbliku. Il-figura – li tieħu forma ta’ żiemel bi tmien saqajn – tispikka b’mod qawwi kontra l-irdumijiet u l-baħar miftuħ taż-żona. […]