Ixxerja

Il-kantanta Maltija Phylisienne Brincat spiċċat l-isptar ilbieraħ filgħaxija wara li waqgħet fuq il-palk waqt rappreżentazzjoni ta' Gaffiero Productions. F'post li qasmet fuq il-midja soċjali, Phylisienne spjegat li minkejja l-inċident, hija ddeċidiet li tkompli bl-ispettaklu għax temmen bis-sħiħ li "the show must go on."

Madankollu, wara t-tmiem tal-wirja kellha tmur l-isptar fejn kienet qed tistenna biex isirilha X-rays. Hija żvelat li daret l-għaksa u weġġgħet idha, filwaqt li spjegat li qed tbati minn uġigħ qawwi f'idha tant li bħalissa bilkemm tista' ċċaqlaqha. Fil-messaġġ tagħha, Phylisienne talbet lil dawk li jsegwuha biex iżommuha fit-talb waqt li tistenna r-riżultati tal-eżamijiet mediċi.

"Napprezza t-talb tagħkom hekk kif qed nistenna r-riżultati. Grazzi tal-imħabba u s-sapport tagħkom. Alla jbierek lilkom ilkoll," kitbet il-kantanta. Minn hawn nawguraw lil Phylisienne fejqan ta' malajr u nittamaw li dalwaqt terġa' lura tagħmel dak li tant tħobb.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“23 Sena U Ħielsa, Qed Insir Il-Persuna Li Jien Maħsuba Li Nkun.” – Justine Shorfid

Emil Calleja Bayliss Illum

Awguri lil Justine Shorfid, il-kantanta li rajnieha tikseb popolarità meta spiċċat fit-tieni post fit-tieni staġun ta’ X Factor Malta. Illum hi qed tiċċelebra għeluq it-23 sena tagħha. Fuq il-midja soċjali, Justine qasmet ritratti għall-okkażjoni flimkien ma’ messaġġ li jirrifletti tama u fiduċja fil-futur. Hija kitbet, “23 sena u ħielsa, qed insir il-persuna li jien maħsuba […]