Ixxerja

Richard Grech, iben il-kantant Dominic Grech tal-grupp popolari The Tramps, ilbieraħ fakkar il-memorja tal-għażiż missieru fuq il-midja soċjali.

Dominic jibqa' magħruf bħala l-vuċi oriġinali wara l-kanzunetta Xemx, li tagħha kien l-awtur u l-kompożitur. Kanzunetta oħra mir-repertorju tagħhom li baqgħet tindaqq tul iż-żmien hija l-kanzunetta Inti Djamant.

The Tramps kienu waħda mill-aktar bands popolari fil-mużika pop f’Għawdex. Lura fis-snin tmenin, il-band kienet anke rebħet il-Malta Song Festival bil-kanzunetta Sinjur, ġib il-Paċi.

Għalkemm huma magħrufa għall-kanzunetti tagħhom Xemx u Inti Djamant, il-band The Tramps u Dominic Grech kellhom reputazzjoni tajba ħafna b’kanzunetti divertenti li ferħu lill-udjenzi fis-snin 70 u 80.

Iben Dominic, Richard Grech, li huwa mużiċist ukoll, qasam story fuq il-midja soċjali fejn fiha jsellem il-memorja ta' missieru. "Ma ninsewk qatt Pa. 03/04/1950 - 23/08/2005"

Insellmu l-memorja ta' Dominic.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

Mistennija Aktar Temperaturi Li Jinħassu Għoljin Sa 42°C Fil-Gżejjer Maltin

Kyle Zarb Illum

It-temperaturi għoljin se jerġgħu jinħassu fit-temp Malti, b’temperaturi “li jinħassu” sa 42°C nhar il-Ħamis u l-Ħadd, skont it-tbassir tat-temp. Nhar l-Erbgħa, il-Ġimgħa u s-Sibt, it-temperatura mistennija tinħass madwar 41°C.L-ogħla temperatura attwali mistennija, s’issa, hija ta’ 37°C nhar il-Ħamis. Madankollu, l-umdità għolja, flimkien mat-temperaturi sħan tal-baħar, qed tikkawża li t-temperatura li tinħass mill-ġisem tkun ferm ogħla […]