F’għeluq sninu, Peppi Azzopardi rċieva messaġġ mill-qalb mingħand il-preżentatur Andrew Azzopardi, li għażel li jwassallu l-awgurju tiegħu permezz ta’ poeżija qasira.
Andrew beda l-messaġġ tiegħu,“Awguri Peppi”, u jikteb li għalkemm mhux xi poeta, xorta pprova jwassal dak li xtaq għal Peppi. “Li huwa żgur huwa li din mill-qalb,” iżid.
Fil-poeżija tiegħu, Andrew jirreferi għall-mod kif Peppi matul is-snin kiteb u tkellem dwar tant nies u sitwazzjonijiet, filwaqt li jenfasizza l-ispirazzjoni li jsib fih.
“Peppi jibqa’ jispirani, bil-ħsibijiet tiegħu jibqa’ jittantani,” kiteb Andrew, f’riflessjoni li turi l-ammirazzjoni u r-rispett li għandu lejn il-preżentatur.
Il-messaġġ ikompli b’tifħir lejn il-karattru ta’ Peppi, partikolarment għal qalbu kbira u l-mod kif dejjem jagħti importanza lill-oħrajn.
Andrew temm il-poeżija b’awgurju sempliċi iżda sinċier: “Nawguralek ġurnata sabiħa, b’qalbi kollha, mija fil-mija.”
Peppi Azzopardi twieled fil-25 ta’ Awwissu 1959 u huwa magħruf l-aktar għall-karriera twila tiegħu fil-qasam tat-televiżjoni u għall-programm Xarabank.
Awguri mill-qalb Peppi!
Facebook/ Peppi Azzopardi
