Ixxerja

Għada jkunu għaddew sentejn minn meta Karl Gouder ħalla din id-dinja, iżda għal dawk li ħabbewh, iż-żmien ma jħassarx il-memorji u lanqas l-imħabba.

F’messaġġ ta’ tifkira, il-Partit Nazzjonalista ta’ Tarxien sellem il-memorja għażiża ta’ Karl, filwaqt li fakkar li jibqa’ dejjem magħhom u qatt minsi. B’mod partikolari, il-memorja tiegħu tibqa’ għażiża għall-martu u ħuh, Maxine u Simon, kif ukoll għan-neputijiet Martina, Chiara, Ally, Emma u Julia.

Għada, il-ħajja ta’ Karl se tkun imfakkra b’quddiesa fil-Knisja Parrokjali ta’ San Ġiljan fis-7pm.

Il-Franġiskan Konventwali Brother George Micallef ukoll sellem il-memorja tiegħu b’messaġġ qasir iżda mimli emozzjoni, hekk kif kiteb: “Għada sentejn ħabib...” u talab lill-Mulej biex ma jinsiex lil dawk li ħabbew u kienu maħbubin minnu.

It-Tim ta' Giwda.mt ukoll jixtieq li Karl jistrieħ fis-sliem!

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

“L-Akbar Unur Tiegħi Huwa Li Jiena Missierek” – Andrè Muscat B’Messaġġ Ta’ Kburija Lejn Ibnu

Matthea Grech Illum

Kliem missier lejn iben jista’ jkun fost l-isbaħ rigali, speċjalment meta jirrakkonta vjaġġ mibni fuq passjoni, dedikazzjoni u ħafna sagrifiċċji.Mattia Muscat irċieva messaġġ mill-qalb mingħand missieru wara li kiseb l-unur ta’ Bandist tas-Sena. Missieru qal, li ma jieħux pjaċir biss jarah jirnexxi, iżda li jieħu gost jgħix miegħu kull pass ta’ dan il-vjaġġ.Fakkru fis-sagrifiċċji kollha […]