Ixxerja

Tagħlaq sninha l-kantanta lokali, għalliema u omm ta' tnejn, Danica Muscat, li rajnieha dejjem tikber u tissaħħaħ fil-karriera mużikali tagħha.

Baqgħet tissemma għall-parteċipazzjoni tagħha fil-programm Taljan Io Canto, fejn tista' tgħid kienet l-ewwel Maltija li ttantat xortiha barra minn xtutna dak iż-żmien.

Lil Danica rajnieha fil-Malta Eurovision diversi drabi, fejn bidlet l-istili u tista' tgħid evolviet minn sena għall-oħra. L-aħħar parteċipazzjoni tagħha kienet fl-2018 bil-kanzunetta One Step At A Time.

Kisbet it-tielet post fis-Summer Hit Song Contest permezz tal-kanzunetta Amour u ħadet sehem fil-Konkors Kanzunetta Indipendenza għal diversi snin. Danica kkompetiet anke f'X Factor Malta fejn waslet sal-fażi tal-Judges' Houses.

Hi wkoll waħda mill-uċuħ familjari fil-festival tal-lingwa Maltija, Mużika Mużika. Rebħet anke l-edizzjoni tal-2022 ta' Kanta Magħna. Riċentament Danica ħadet sehem waqt L-Għanja Tal-Poplu 2026 bil-kanzunetta Ġakketta Roża (Emil Calleja Bayliss/ Gillian Attard).

F'isem Gwida.mt nixitiequ nawguraw lil Danica l-isbaħ xewqat f'dan il-jum speċjali u dejjem! Nixtiqulha dak kollu li tixtieq qalbha u aktar suċċess fil-karriera mużikali!

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Gossip

“16-il Sena… L-Ewwel Bint Tiegħi, L-Ewwel Prinċipessa Tiegħi.” – Keith Panelli Jawgura Lil Bintu Sophie

Kyle Zarb Illum

F’messaġġ mimli mħabba u emozzjoni, Keith Panelli għadda fuq il-midja soċjali biex jiċċelebra għeluq is-16-il sena ta’ bintu Sophie.Akkumpanjat minn ritratt tagħhom flimkien, Panelli kiteb kliem mill-qalb lil bintu, li jirreferi għaliha bħala “l-ewwel bint tiegħi, l-ewwel prinċipessa tiegħi u biċċa minn qalbi għal dejjem”. Il-messaġġ tiegħu juri r-rabta speċjali li għandu ma’ bintu u […]