Ixxerja

It-tim ta’ HazZzard iddedika l-ewwel episodju tal-14-il staġun tal-programm għall-memorja ta’ Calvin, li kien wieħed mill-parteċipanti fit-12-il staġun. F’messaġġ emozzjonanti ppubblikat fuq il-midja soċjali, it-tim ta’ HazZzard fakkar lil Calvin u l-mumenti li qasmu miegħu matul l-esperjenza tiegħu fil-programm.

“Qed niddedikaw l-episodju tal-lejla għall-memorja tal-għażiż Calvin, parteċipant mit-12-il staġun ta’ HazZzard,” kitbu fuq il-paġna tagħhom. Komplew billi saħqu li Calvin se jibqa’ dejjem parti mill-familja tal-programm u li l-memorji li ħolqu flimkien miegħu se jibqgħu jgħożżuhom.

“Calvin se jibqa’ dejjem parti mill-familja ta’ HazZzard, u l-memorji li qsamna miegħu ma jintesew qatt. Dan għalik, Calvin,” temm jgħid il-messaġġ, akkumpanjat minn qalb ħamra. Id-dedikazzjoni saret fl-istess jum li fih HazZzard The Quest irritorna fuq l-iskrins bil-premiere tal-14-il staġun tiegħu, it-Tlieta 29 ta’ Settembru.

Permezz ta’ din id-dedikazzjoni, it-tim ta’ HazZzard ried isellem il-memorja ta’ Calvin, li permezz tal-parteċipazzjoni tiegħu fil-programm sar parti mill-istorja u l-familja tiegħu.

Strieħ fis-sliem, Calvin.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

TV

Illejla L-Ewwel Episodju Ġdid TA’ GERIT – Titħajjar Issegwih Flimkien Mal-Kast U L-Kru?

Kyle Zarb Ilbieraħ

Li l-istejjer TA’ GERIT ħallew impatt fit-televiżjoni Malti huwa ċar daqs il-kristall. Hekk kif wasal biex TA’ GERIT ikompli bi staġun ġdid ieħor, it-tim ħejja serata spettakolari.Apparti l-eċitament sakemm tkompli l-istorja, it-tim għamel stedina għall-pubbliku biex min irid jingħaqad mal-kast u l-kru kollu TA’ GERIT u jsegwi magħhom ġewwa Ħal Qormi.Aktar dettalji dwar dan qegħdin […]