Ixxerja

Il-Papa Ljun XIV saħaq li l-politiku għandu dejjem ifittex li jaġixxi fl-interess tal-ġid komuni ta' pajjiżu. Hu tenna dan xi sigħat wara li waslet fi tmiemha l-elezzjoni li seħħet matul dawn l-aħħar jiem fl-Amerka li rat il-partit li jappartjeni għalih il-President Amerikan Donald Trump isofri telfa kbira.

Fl-istess intervent ġewwa l-Vatikan, il-Kap tal-Knisja Kattolika tkellem ukoll dwar l-importanza tax-xogħol. Hu spjega li x-xogħol hu importanti għall-bniedem għaliex jagħtih lok fejn jisfrutta t-talenti tiegħu filwaqt li wkoll jippermettilu jikseb l-għajxien għall-familja.

Madankollu, il-Papa kkundanna realtajiet bħal dawk tal-qgħad u l-esplojtazzjoni li jxekklu l-ħidma tal-bniedem, u kien proprju hemmhekk fejn tkellem dwar l-obbligu tal-politiċi madwar id-dinja li jaġixxu dejjem bil-ġid komuni f'moħħhom.

Matul dawn l-aħħar ġranet, il-Papa kiteb l-istorja billi sar l-ewwel persuna fit-tmun tal-Knisja Kattolika li qatt ivvotat f'elezzjoni tal-Istati Uniti tal-Amerka.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Il-Maltin Qed Isiefru Iżjed Iżda Jonfqu Inqas Fuq Kull Btala, L-Istatistika Turi

Cristian Tonna Illum

Ċifri li għadhom kif ġew ippublikati mill-Uffiċju Nazzjonali tal-Istatistika (NSO) juru li fl-ewwel disa’ xhur ta’ din is-sena, meta mqabbel mal-istess perjodu tas-sena li għaddiet, il-Maltin siefru aktar drabi, filwaqt li naqset in-nefqa medja fuq kull btala. Fil-fatt, l-istatistika wriet li minn Jannar sa Settembru ta’ din is-sena, il-Maltin siefru total ta’ 704,426 darba. Jirriżulta […]