Ixxerja

Il-kantant Malti Janvil ħabbar id-dettalji tal-funeral ta’ missieru, Joseph Vella, permezz ta’ messaġġ emozzjonanti fuq il-midja soċjali. Fil-post tiegħu, Janvil stieden lill-familja u lill-ħbieb biex jingħaqdu magħhom jiċċelebraw il-ħajja ta’ missieru, filwaqt li rringrazzja lil Alla għall-ħajja u l-memorji li ħalla warajh.

Huwa kiteb, “B’fidi f’Alla u b’gratitudni għal ħajtu, nistednu lill-familja u lill-ħbieb jingħaqdu magħna biex niċċelebraw il-ħajja tal-għażiż missierna, Joseph Vella.” Ġie mħabbar li l-quddiesa funebri se ssir fil-Knisja ta’ Żebbiegħ Parish Church nhar il-Ġimgħa 15 ta’ Mejju 2026 fis-14:00.

Fil-messaġġ tiegħu, Janvil qal ukoll li flimkien fit-talb se jafdaw ruħu lill-Mulej filwaqt li jirringrazzjaw għall-imħabba, is-saħħa u l-memorji sbieħ li ħalla warajh Joseph Vella. Il-messaġġ intemm bit-talba, “Agħtih, Mulej, il-mistrieħ ta’ dejjem, u id-dawl ta’ dejjem jiddi fuqu.”

Bosta persuni diġà bagħtu messaġġi ta’ sapport u kondoljanzi lill-familja Vella f’dan iż-żmien diffiċli. Fi ħsiebna!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Possibbilita Għolja Ta’ Maltempa Ħafifa Għal Nhar Is-Sibt” – Aġġornament Tat-Temp

Emil Calleja Bayliss Illum

Il-paġna Aġġornament tat-Temp wissiet dwar possibbiltà għolja ta’ maltemp ħafif fil-gżejjer Maltin bejn l-1:00 u t-8:00 tas-Sibt filgħodu. Skont l-aġġornament ippubblikat, is-sitwazzjoni instabbli hija kkawżata minn firxa wiesgħa ta’ pressjoni baxxa fil-punent ta’ Malta, li mistennija tintensifika tard nhar il-Ġimgħa 15 ta’ Mejju. Dan jista’ jwassal għal xi ħalbiet tax-xita sa kmieni filgħodu tas-Sibt 16 […]