Ixxerja

Il-Ministru Alison Zerafa Civelli ħabbret li permezz tad-Dipartiment tax-Xogħlijiet Pubbliċi se jsir xogħol biex titjieb l-infrastruttura tal-bitħa ta’ Dar San Ġużepp f’Ħaż-Żabbar. Dan ħabbritu wara żjara li għamlet fid-dar, fejn iltaqgħet mas-sorijiet u kellha l-opportunità tisma’ aktar dwar il-ħidma tagħhom, kif ukoll dwar il-bżonnijiet tagħhom u tat-tfal li jieħdu ħsieb.

“Nikkonferma li permezz tad-Dipartiment tax-Xogħlijiet Pubbliċi se nkunu qed intejbu l-infrastruttura tal-bitħa ta’ din id-dar, sabiex dawn it-tfal ikollhom ambjent aktar sigur u xieraq fejn jikbru u jilagħbu,” kitbet il-Ministru. Dar San Ġużepp f’Ħaż-Żabbar għandha storja twila marbuta mal-ħarsien tat-tfal, u t-tmexxija tagħha ilha fdata f’idejn is-Sorijiet Dumnikani.

Zerafa Civelli temmet il-messaġġ tagħha billi rringrazzjat lis-sorijiet għall-ħidma u d-dedikazzjoni tagħhom ta’ kuljum lejn it-tfal li jieħdu ħsieb.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Sid Ta’ Ristorant Lokali Li Xi Snin Ilu Tilef Lil Ibnu Ta’ Ftit Xhur Jagħti L-Ikel Lil Persuni Fil-Bżonn

Cristian Tonna Illum

Bħal daż-żmien ħames snin ilu, Antoine Magri u martu Solange tilfu lil binhom Juan minħabba l-kanċer, meta dan kien għadu tarbija ta’ ftit xhur. Matul dawn l-aħħar snin, il-koppja għarfet tuża n-niket u t-tbatija li għaddiet minnhom sabiex jagħmlu l-ġid u jkunu hemm għal dawk ta’ madwarhom.Il-Fondazzjoni Puttinu Cares għadha kif ħabbret li f’għeluq il-ħames […]