Dehra mhux tas-soltu ġiet irreġistrata f’Malta hekk kif Ajkla ta’ Tikki, magħrufa bl-Ingliż bħala Lesser Spotted Eagle u bl-isem xjentifiku Clanga pomarina, intlemħet u ġiet fotografata f’pajjiżna. L-ajkla ġie fotografata ilbieraħ, it-30 ta’ Settembru 2026, u d-dehra tagħha ġibdet l-attenzjoni minħabba li din l-ispeċi hija meqjusa bħala viżitatur rari fil-gżejjer Maltin.
Ritratt: Facebook / Birds and Nature in Malta - Scerri Benny
L-Ajkla ta’ Tikki hija għasfur tal-priża li jpassi fuq distanzi twal. Din l-ispeċi tqatta’ l-istaġun tat-tgħammir f’partijiet tal-Ewropa u aktar lejn il-Lvant, qabel ma temigra lejn l-Afrika għax-xhur tax-xitwa. Malta tinsab fuq rotta importanti għall-passa tal-għasafar bejn l-Ewropa u l-Afrika, u għalhekk matul il-ħarifa u r-rebbiegħa pajjiżna jilqa’ numru ta’ speċi migratorji. Minkejja dan, mhux kull speċi tidher b’mod regolari, u għalhekk dehriet bħal din ikunu ta’ interess partikolari għal dawk li jsegwu l-għasafar u n-natura lokali.
Id-dehra ta’ din l-ajkla proprju fl-aħħar jum ta’ Settembru tkompli żżid mal-varjetà ta’ għasafar migratorji li jistgħu jiġu osservati fuq il-gżejjer tagħna f’dan iż-żmien tas-sena.
Facebook / Birds and Nature in Malta – Scerri Benny
