Ixxerja

L-SPCA ta' Għawdex laqgħet residenti ġdida bl-isem ta’ Beauty, kelba Labrador ta’ sentejn li issa qed tfittex familja li tkun tista’ tagħtiha dar ġdida mimlija mħabba. Beauty tiżen madwar 32 kilogramma, għandha ċippa u diġà nbeda l-proċess tat-tilqim tagħha. L-SPCA ta' Għawdex spjegat ukoll li nhar it-Tlieta se tkun qed tiġi msewwija.

Skont l-għaqda, Beauty tkun adattata ħafna għal familja attiva li tista’ tagħtiha l-ħin u l-attività li teħtieġ. Tista’ tkun l-unika kelba fid-dar, iżda tista’ wkoll tgħix ma’ kelb ieħor ta’ daqs kbir. Min-naħa l-oħra, l-SPCA indikat li Beauty mhix adattata għal dar fejn hemm qtates jew klieb żgħar.

Dawk li jħossu li jistgħu joffru lil Beauty id-dar li jixirqilha huma mitluba jikkuntattjawhom permezz ta’ messaġġ privat biss.

Nittamaw li ma ddumx wisq biex issib il-familja tagħha!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“L-Ispirtu Tiegħek Jgħix Fija… Bogħod Imma Qribi. Inħobbok Pa” – Ivan Grech Lill-Mibki Missieru

Kyle Zarb Illum

Il-kantant lokali Ivan Grech qasam messaġġ emozzjonali fuq il-midja soċjali b’tifkira ta’ missieru, Giuseppe Grech.Akkumpanjat minn ritratti mill-passat ta’ missieru, Ivan jirrakkonta parti mill-ħajja tiegħu u t-tbatijiet li għadda minnhom, fosthom l-esperjenzi diffiċli ta’ żgħożitu matul is-snin tal-gwerra.F’messaġġ profond u personali, Ivan jgħid li llum jifhem u japprezza lil missieru aktar minn qatt qabel, u […]