Avviż Ta’ Twissija Pubblika Maħruġ Mid-Direttur Ġenerali (Affarijiet Tal-Konsumatur) Fi Ħdan L-Awtorita’ Tal-MCCA

MCCA

Id-Direttur Ġenerali (Affarijiet tal-Konsumatur), skont l-Artikolu 8 tal-Att dwar l-Affarijiet tal-Konsumatur (Kapitlu 378 tal-Liġijiet ta’ Malta), qiegħda toħroġ dan l-Avviż Pubbliku li bih qiegħda tidentifika u tgħarraf lill-pubbliku li l-kumpanija segwenti:

Portelli and Brincat Limited (C 5467) kienet parti f’kawżi deċiżi mit-Tribunal għal Talbiet tal-Konsumatur favur il-konsumaturi, liema deċiżjonijiet ma ġewx onorati minkejja diversi tentattivi sabiex jiġi żgurat il-konformità magħhom.

L-ammont totali dovut mill-kumpanija lit-tmintax-il (18) konsumatur affettwat jammonta għal erbatax-il elf, mitejn u ħames ewro u ħamsin ċenteżmu (€14,205.50).

Il-każijiet kienu prinċipalment jikkonċernaw depożiti mitluba għal ordnijiet li qatt ma ġew ikkunsinnati lill-konsumaturi u prodotti li allegatament kienu difettużi.

Dan l-Avviż Pubbliku qed jinħareġ fl-interess tal-ħarsien tal-konsumaturi u mingħajr preġudizzju għal kwalunkwe azzjoni oħra li tista’ tittieħed skont il-liġi.

Dan l-Avviż Pubbliku ma jikkostitwixxix deċiżjoni dwar kwalunkwe kwistjoni oħra lil hinn minn dak stabbilit fid-deċiżjonijiet tat-Tribunal għal Talbiet tal-Konsumatur.

Ritratt:

Facebook/ MCCA

Ixxerja

STEJJER OĦRA

AQRA IKTAR

PARTNERS UFFIĊJALI