Ixxerja

Il-mewġa ta' sħana qawwija li qed tolqot lill-Gżejjer Maltin qed tkun akkumpanjata wkoll minn qtugħ ta' dawl f'diversi lokalitajiet madwar il-pajjiż. Fuq il-midja soċjali qed jidhru għadd kbir ta' ilmenti minn residenti, minn lokalitajiet differenti, iffrustrati li qed jgħidu li ilhom sigħat twal mingħajr provvista tal-elettriku, proprju fi żmien meta t-temperaturi qed jilħqu livelli estremament għoljin.

Xi persuni saħansitra sostnew li ilhom aktar minn 24 siegħa bla dawl, filwaqt li oħrajn irrakkontaw kif qattgħu lejl sħiħ mingħajr elettriku, b'ħafna jesprimu t-tħassib tagħhom dwar is-sħana, speċjalment fejn hemm anzjani, tfal żgħar jew persuni vulnerabbli. Minbarra l-inkonvenjent, bosta residenti qalu wkoll li kellhom jarmu ikel u prodotti oħra li jaħżnu fil-friġġ jew fil-freezer minħabba n-nuqqas fit-tul tal-elettriku.

Is-sitwazzjoni qed tkompli toħloq frustrazzjoni fost il-pubbliku, b'ħafna qed jappellaw biex il-problemi jiġu indirizzati mill-aktar fis possibbli hekk kif il-mewġa ta' sħana mistennija tkompli fil-jiem li ġejjin.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

La Tinsinix Tilħaq L-Ewwel Post Fil-Klassifika Tal-Maltin Ta’ DJ Vision TV

Gwida.mt Illum

Il-kanzunetta La Tinsinix, interpretata minn Mike Spiteri, Lisa Gauci u Jasmine Abela, kompliet tikseb suċċess hekk kif telgħet fl-ewwel post tal-Klassifika Tal-Maltin imtella’ minn DJ Vision TV.Din il-kanzunetta hija adattazzjoni bil-Malti ta’ Keep Me In Mind, il-kanzunetta oriġinali ta’ Ray Agius u Alfred C. Sant. Il-verżjoni Maltija nkitbet minn Emil Calleja Bayliss, fuq il-mużika ta’ […]