Il-paġna uffiċjali tal-protezzjoni ċivili ta’ Malta kitbet informazzjoni dwar nar strutturali li seħħ ilbieraħ filgħodu, fil-gżira t’Għawdex.
Spjegaw, “Ilbieraħ filgħodu, il-pumpiera tan-nar mis-sitt stazzjon irrispondew għal nar strutturali fi blokka appartamenti fix-Xlendi, Għawdex. Minħabba dħaħen li bdew jimlew il-partijiet komuni tal-blokka, erba’ residenti ġew evakwati permezz tas-sellum li jdur.”
Żiedu jgħidu, “Il-pulizija mit-tnax-il distrett tal-pulizija u tim mediku mid-dipartiment tal-emerġenza tal-isptar ġenerali t’Għawdex ukoll assistew waqt l-operazzjoni. L-ebda ġrieħi ma ġew irrapurtati.”
Nirringrazzaw mill-qalb lill-pumpiera tan-nar, il-pulizija, tim mediku u kull min offra l-assistenza tiegħu għal din l-emerġenza. Id-dedikazzjoni tagħhom hi tassew apprezzata.
Facebook / Civil Protection Malta
