Rhianydd Demanuele, magħrufa għal fostering tal-annimali, ittella’ aħbar ta’ swied il-qalb dwar il-fenek tagħha, Thumper.
“Ma nistax nemmen li qed nikteb dan il-post l-għada tal-Milied… Illum ħassejt stallett f’qalbi. Ma nistax nemmen li ħallejtni, Thumper.
Il-ġurnata ta’ qabel kont għadni kif għidt: “Daqshekk fniek issa, żgur!” u mbagħad rajtek, fenek żgħir, daqsxejn differenti, b’diżabilità f’saqajk. Ma stajtx ma nieħdokx miegħi. U kienet waħda mill-aqwa deċiżjonijiet ta’ ħajti.
Kont karattru li jiġbed lejh lil kull min iltaqa’ miegħek. Kont tħobb lil kulħadd, bla eċċezzjoni. Dejjem ferħan, minkejja li ma stajtx timxi bħall-fniek l-oħra.Se nimmisjak wisq, Thumper. Kemm nixtieq li bħalissa qed ngħorr għax ħammigtli kullimkien bil-bocci, minflok qed inħares lejn il-playpen vojta.
“Nittama biss li tinsab f’ġenna mimlija karrotti u kutri rotob, kif kont tħobb int. Strieħ sabiħ.”
