Il-Parroċċa ta’ Marsaskala Parish ilbieraħ fakkret it-tielet anniversarju mill-ordinazzjoni saċerdotali ta’ Fr Clive Seychell u Fr Gylan Camilleri permezz ta’ messaġġ sabiħ fuq il-midja soċjali.
Fil-messaġġ tagħha, il-parroċċa kitbet, “Illum it-3 anniversarju mill-ordinazzjoni saċerdotali ta’ Fr Clive Seychell u Fr Gylan Camilleri. Grazzi għar-rigal li intom għall-knisja u għall-komunitajiet tagħna. Nitolbu għalikom u għal aktar vokazzjonijiet.”
Dan l-anniversarju jfakkar fil-mument importanti meta ż-żewġ saċerdoti ddedikaw ħajjithom għas-servizz tal-Knisja u tal-komunità. Matul dawn is-snin, kemm Fr Clive kif ukoll Fr Gylan komplew ikunu preżenza attiva fil-ħajja spiritwali ta’ ħafna nies permezz tal-ħidma pastorali tagħhom.
Bosta persuni ngħaqdu mal-awguri tal-parroċċa, filwaqt li rringrazzjawhom tad-dedikazzjoni tagħhom u tal-appoġġ kontinwu li jagħtu lill-komunitajiet rispettivi tagħhom.
Il-parroċċa temmet il-messaġġ tagħha b’talba sabiex ikun hemm aktar vokazzjonijiet saċerdotali fil-futur, biex aktar persuni jwieġbu għas-sejħa tas-servizz fil-Knisja.
