Il-film Home Alone huwa wieħed mill-aktar films klassiċi u maħbuba tal-Milied, li għadu divertenti għall-familji madwar id-dinja.
Il-film, taħt id-direzzjoni ta’ Chris Columbus u b’Macaulay Culkin fil-parti prinċipali ta’ Kevin McCallister, ħareġ fis-swali taċ-ċinema fis-16 ta’ Novembru 1990, fl-Istati Uniti.
L-istorja tirrakkonta kif Kevin, tifel ta’ tmien snin, aċċidentalment jitħalla waħdu d-dar meta l-familja tiegħu titlaq għal btala tal-Milied f’Pariġi.
Minn dakinhar illum għaddew36 sena, hekk kif fl-2026 il-film qed jiċċelebra s-36 anniversarju tiegħu. Matul is-snin, Home Alone sar parti mit-tradizzjoni tal-Milied għal miljuni ta’ nies, b’mumenti komiċi u xeni memorabbli li għadhom jitgawdew minn ġenerazzjoni għal oħra.
Il-konfront bejn Kevin u ż-żewġ ħallelin, Harry u Marv, jibqa’ wieħed mill-aktar elementi emblematiċi tal-film, li minkejja kemm għadda żmien minn meta ħareġ, għadu film li ħafna ma jimmaġinawx Milied mingħajru.
Ixxerja
Miktub Minn
Kyle Zarb
Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.