“Grazzi Talli Għamiltu Dawn L-14-il Sena Tant Speċjali” – Da Luigi Ser Jagħlqu L-Bibien F’Diċembru

Da Luigi

It-tim tar-ristorant Da Luigi fir-Rabat ħabbar li f'Diċembru ser ikun qed jagħlaq il-bibien tiegħu. Fakkar il-vjaġġ li beda fid-19 ta’ Diċembru 2012, meta fetaħ il-bibien tiegħu għall-ewwel darba minn ħolma sempliċi ta’ familja.

F’messaġġ emozzjonanti, it-tim spjega kif dak li beda bħala ristorant inbidel fit-tieni dar tagħhom, post mimli daħk, ċelebrazzjonijiet, ħbiberiji u memorji sbieħ li ma jintesew qatt.

Huma rringrazzjaw lil dawk kollha li kienu parti minn dan il-vjaġġ tul dawn l-aħħar 14-il sena, u enfasizzaw kemm huma grati lejn il-klijenti u l-ħbieb li taw sehemhom biex Da Luigi sar ferm aktar minn sempliċi ristorant.

Fid-19 ta' Diċembru li jmiss huma ser ikunu qed iservu għall-aħħar darba.

"Fid-19 ta’ Diċembru 2026, se jkun l-aħħar jum tagħna f’Da Luigi taħt it-tmexxija tal-familja tagħna. Wara din id-data, ir-ristorant se jibda kapitlu ġdid taħt tmexxija ġdida, b’isem ġdid: Due Cuori."

Prosit lit-tim kollu u Awguri għal dak li jmiss!

Ritratt:

Facebook/ Da Luigi

Ixxerja

STEJJER OĦRA

AQRA IKTAR

PARTNERS UFFIĊJALI